ЛЕБОТ НИКОГАШ НЕ БИЛ ПОСКАП ВО НЕКОИ ДЕЛОВИ ОД ЕВРОПА: Ова се цените во 13 земји
Лебот никогаш не бил поскап во многу делови од Европа. Иако разликите меѓу земјите од ЕУ се сè уште големи, најновите податоци покажуваат дека порастот на цените ги погодува и западните и источните членки. Цените на лебот варираат до трипати во зависност од земјата, што дополнително ги оптоварува домашните буџети на граѓаните.
Просечните цени на лебот низ ЕУ според тековните податоци од веб-страницата Numbeo и најновите статистики на Евростат од април и мај 2025 година, покажуваат дека цената на векна свеж бел леб од 500 грама изгледа вака:
Бугарија: 0,91 евра
Романија: 1,09 евра
Грција: 1,26 евра
Унгарија: 1,32 евра
Хрватска: 1,34 евра
Шпанија: 1,29 евра
Германија: 1,90 евра
Франција: 2,05 евра
Холандија: 1,74 евра
Австрија: 2,56 евра
Шведска: 2,49 евра
Белгија: 2,06 евра
И додека граѓаните во Источна и Јужна Европа сè уште можат да купат леб за помалку од 1,50 евра, во Западна и Северна Европа цените честопати надминуваат 2 евра, а во некои земји (како Австрија и Шведска) се приближуваат до границата од 2,60 евра.
Рекорден пораст на цените на лебот има во Унгарија и Бугарија.
Најизразен скок се случи во Унгарија, каде што цената на лебот се зголеми за дури 165 проценти од 2016 година. Во Бугарија, зголемувањето е исто така загрижувачко – изнесува повеќе од 90 проценти.
Новата цена на лебот во Црна Гора официјално стапи на сила во среда. Како што објави РТЦГ, Здружението на пекари соопшти дека зголемувањето на цената е неизбежно бидејќи трошоците за производство драстично се зголемија.
Основен бел леб од 700 грама ќе чини 85 центи наместо досегашните 80. Анкетираните граѓани на Подгорица се жалат, наведувајќи дека „нивните паричници стануваат сè потенки“.
foto freepik.com
