Лавров обвини дека Западот ќе ја измами Србија исто како Русија
Русија тврди дека Западот ќе ја измами Србија за Косово.
Рускиот шеф на дипломатијата, Сергеј Лавров го спореди пристапот на западните земји кон проблемот на Србите во Косово со Договорот од Минск за Украина, пренесува руската државна новинска агенција РИА Новости.
„Измамата на Србите во однос на заедницата на српските општини на Косово, е слична со измамата на Русија во однос на договорите од Минск“, рече Лавров.
Кажа дека западните држави немаат намера да ги спроведуваат договорите поврзани со Србите на Косово. Тој додаде дека потписниците на договорите од Минск искрено признале дека овие договори се неопходни за да се подготват за војна против Русија.
Ревидираната верзија на Договорот од Минск е потпишана во февруари 2015 година во главниот град на Белорусија.
Инаку, косовскиот премиер Албин Курти не дозволува формирање на Заедница на српски општини во Косово.
„Заедницата не поминува, не го помина судот, не го помина народот. Заедницата не поминува ниту кај премиерот ниту кај Владата, но кај вас помина“, ѝ рекол Курти на опозицијата, која го критикувала за промена на ставовите, пишува „Коха“.
Србија бара исполнување на ветеното, да се формира ЗСО.
ФОТО: EPA-EFE / SERGEI ILNITSKY
