Лаутаро: Клучот е во тимот и обединетоста, така беше и со Аргентина на СП!
Интер преку „групата на смртта“ дојде до финале и тоа како второпласиран тим од групната фаза, првпат по Ливерпул и Тотнем, кои играа меѓусебно финале во 2019 година.
„Ние направивме извонредна работа во двата меча, не само вечерва. И клучот е во тимот, во нашата обединетост. Ова ме потсеќа на Аргентина од СП во Катар, веќе имав такво искуство и ако сте обединети, успехот не може да избега. Само со обединетост може да одиграте најважни мечеви на најдобар можен начин. Секогаш кога ќе излезам на терен, јас го давам најдоброто од себе за да им помогнам на соиграчите и на тимот. Знаевме каква шанса е пред нас и ја завршивме работата за да одиме во финале“, рече Лаутаро.
Тој беше прогласен за МВП на вечерашниот меч, што е и очекувано после голот за победа.
