Лани државата за 17 отсто ги зголемила приходите од даноци
Сања Лукаревска, директорката на Управата за јавни приходи, пред јавноста ги сподели првичните информациии за собраните даночни приходи во текот на 2022. Ланската година биле наплатени 104 милијарди денари од даночните обврзници, што е за некаде околу 17 отсто повисока наплата од 2021.
– Во делот на данокот на добивка имаме собрано 45 отсто повеќе од 2021, а данок на личен доход имаме повеќе за 16 проценти. Наплатата на ДДВ е поголема за 11,3 проценти во споредба со една година претходно, рече Лукаревска.
Како поврат на ДДВ кај правните лица бројката е 44,7 милијарди денари. Според Лукаревска,м тоа се за 43,3 проценти поголеми бројки за една година и за над 70 отсто повеќе средства во однос на 2020 и 2019.
Според Лукаревска навремениот и ефикасен поврат на ДДВ за правните лица овозможува подобрување на ликвидноста на фирмите, а тоа е она што го бараат и меѓународните финансиски институции.
