Куманово го совлада Кожув, Тиквеш го наполни кошот на Шкупи
Куманово доминираше во првото полувреме, кое го доби со 44-30, по што продолжи да го диктира темпото во вториот дел од средбата за на крајот да слави со убедливи 99-69.
Урош Луковиќ постигна 19 поени за Куманово, додека Стевановиќ запиша 14 поени за Кожув.
Тиквеш и Шкупи понудија одлична кошарка во првата и втората четвртина, по што на паузата со водство од еден поен (47-46) замина скопскиот тим.
Екипата од Кавадарци заигра подобро во третата четвртина и го свртеа мечот во своја корист, а на крајот триумфираа со 106-92.
Хил и Григоријевиќ постигнаа по 23 поени за Тиквеш, додека Секој Сила запиша 38 поени за Шкупи.
