Кулибали и официјално во С. Арабија – си обезбеди егзистенција за неколку генерации!

Со ова, тој ќе заработува два ипол пати повеќе од сумата што ја имаше кај премиерлигашот, поради што англиските медиуми пишуваат дека си обезбедил егзистенција за неколку генерации кои ќе го наследат. Кулибали во трите сезони на Блискиот исток ќе заработи повеќе од тоа што инкасира во целата кариера досега, со оглед што во Наполи во своите најубави години имаше најголема плата од шест милиони евра по сезона. Челси, пак, ќе инкасира 27 милиони евра како отштета што предвреме ќе го ослободи од договорните обврски.

Сенегалецот е четврта голема трансфер-бомба летово откако почна саудиската офанзива на фудбалскиот пазар. Претходно, Карим Бензема и Нголо Канте потпишаа за Ал Итихад, а Ал Хилал го ангажира Рубен Невеш.Во меѓувреме, Хаким Зијеш потпиша за Ал Наср каде што ќе игра со Кристијано Роналдо, додека Арапите во следниот период ќе се обидат да ги ангажираат уште и Мејмар, Мохамед Салах и Бернардо Силва.