„Крвава месечина“ вечерва на небото! (ФОТО)
Во текот на ноќта на небото нè очекува глетка која го одзема здивот – супер крвава Месечина.
Кога Земјината сенка ќе ја покрие, Месечината постепено ќе се затемни, пред да стане црвена.
Овој феномен е веќе видлив со голо око низ цела Европа.
Месечината ќе изгледа поголема од вообичаеното бидејќи ќе биде на најблиската точка во својата орбита до Земјата, кога ќе се нарекува супермесечина.
Единствената сончева светлина што ќе стигне до Месечината ќе помине низ атмосферата на Земјата.
Крваво-црвената светлина од сите изгрејсонца и зајдисонца на Земјата ќе се рефлектира на површината на Месечината, објаснува д-р Грегори Браун, астроном од Кралската опсерваторија во Гринич, Лондон.
– Вие всушност ќе ги видите сите самрак и сите мугри кои се случуваат на Земјата во исто време. Целата таа светлина ќе се рефлектира на Месечината – изјави тој за BBC News.
Крвавата месечина е поинтензивна од која било друга, па може да почувствувате длабоко чувство на ослободување или шанса за нов почеток. Очекувајте емотивни и духовни промени, а исто така, ѕвездите подготвија неочекувани сознанија и бројни изненадувања за повеќето луѓе.
Полната Месечина сигурно ќе биде енергетски многу тешка за сите знаци од Зодијакот, но за некои ќе донесе повеќе проблеми и предизвици – Рибите и Водолијата на прво место, а нема најдобро да поминат ниту Лавовите, Раковите и Биковите. Астролозите исто така додаваат дека овој период ќе ги фаворизира Близнаците, Вагата, Скорпијата и Стрелецот. Но, за Рибите и Водолијата ова дефинитивно ќе бидат најтешките денови.
