Кремонезе го расплака и Мурињо – најслабиот калчолигаш ќе игра полуфинале во Купот (ВИДЕО)

Рома триеше раце откако Кремонезе го исфрли Наполи на пенали на „Диего Марадона“, мислејќи дека има отворен пат кон трофејот, ама Кремонезе им приреди таков шок, што на „волчивцата“ и „специјалниот“ од клупата им преостана шанса за трофеј само во Европа.

Сирил Десерс даде гол од пенал во 28-та минута за водство, а потоа Зеки Челик си даде автогол после само четири минути во вториот дел и Рома се најде на раб на бездната, а коцкањето на Мурињо да излезе со комбиниран тим на мечот се покажа како самоубиство зашто дури во вториот дел влегоа Дибала, Абрахам, Смолинг, Залевски.

Андреа Белоти во 94-та минута предоцна во мечот даде гол само колку да го ублажи поразот и болната елиминација и Кремонезе против Фиорентина сега ќе игра во мечот за место во финалето.

Интер кој вчера ја победи Аталанта го чека подобриот од пресметката Јувентус – Лацио за да се комплетира второто полуфинале.