Ковачевски вели дека ценовен шок нема да има со новата цена на струјата
Премиерот Димитар Ковачевски уверува дека ценовен шок нема да има во однос на покачувањето на струјата кое се очекува.
Премиерот не открива каква цена ќе одреди Владата, но уверува дека ценовен шок нема да има.
„Она што можам да ги уверам граѓаните е дека како и до сега Владата нема да дозволи ценовен шок, како што не дозволивме. 80 отсто од цена на струјата субвенциониравме од буџет во тек на цела грејна сезона лани. Веќе во буџет се предвидени 250 милиони евра за антикризни мерки меѓу кои и овие. Како што кажуваа скептици што критикуваа, доминантно од опозицијата немаше рестрикции, ниту недостатоци, туку напротив во јануари имаше вишоци кои ги продававме“, кажа Ковачевски.
Енергетските компании веќе ги испорачаа своите барања до Регулаторна. Сите бараат зголемување на цената за услугата која ја нудат, од 30 до над 80 отсто. Оттаму кажаа дека доколку се прифатат сите барања, цената од 1-ви би се зголемила за 13 отсто. Лани имаше корекција на цената на струјата.
