Ковачевски: Со евтината струја ќе се заштедат над 1.000 денари

Премиерот Димитар Ковачевски на денешната сесија за пратенички прашања во Собранието рече дека домаќинствата со враќањето на ниската попладневна тарифа ќе заштедат над 1.000 денари месечно на сметките за електрична енергија.

„Стартува дневната ефтина тарифа, од 13 до 15 часот, со заштеди од над 1.000 денари месечно за секое семејство. Инвестицијата која се правеше во мојот мандат, овозможи сите граѓани да имаат бенефит . Тоа го овозможи инсталирањето на обновливи извори на енергија од 600 мегавати. Така една одговорна влада се грижи за граѓаните. Тоа овозможи да се ослободи евтина електрична енергија од два часа попладне.

Беше прекинато одреден период заради светската енергетска криза, иако уште ја субвенционираме цената на електричната енергија.

Среќен сум што граѓаните ќе имаат пониски сметки за електрична енергија“, рече Ковачевски

Евтината тарифа започна од денеска, додека новата цена на струјата за домаќинства и мали потрошувачи треба да се утврди на крајот на месецов.