Ковачевски: Опозицијата не поддржа ништо, изговори од трето одделение не помагаат
Претседателот на Владата Димитар Ковачевски денеска присуствуваше на настан по повод увид во градежните работи за изградба на социјална зграда во општина Бутел.
– Опозицијата не го поддржа нашето членство во НАТО, така што ќе станеме членка на ЕУ и јас се надевам дека опозицијата еднаш нешто ќе поддржи. Опозицијата не го поддржа ни договорот ФРОНТЕКС за кој што утре почнува имплементацијата каде што за прв пат имаме македонски јазик со сите други јазици на ЕУ, одобрен од сите 27 членки на ЕУ, никогаш не било тоа досега. Опозицијата ни тоа не го поддржа, кажаа дека биле на пауза во Собрание, тие не слушнале кога ѕвони ѕвончето, така што такви изговори од трето одделение не поминуваат, кажа Ковачевски одговарајќи на новинарско прашање.
Премиерот додаде дека договорот има легитимитет бидејќи го изгласало Собранието и го усвоила ЕУ.
