Ковачевски: Досега само 360 пријавени работници кај „Бехтел и Енка“
Премиерот Димитар Ковачевски денеска како одговор на новинарско прашање рече дека мал бројот на македонски граѓани кои до сега аплицирале за вработување во конзорциумот „Бехтел и Енка“ за изградба на патните коридори во земјава.
Ковачевски присуствуваше по повод официјалниот почеток на градежните активности на делницата Прилеп – Битола како дел од Коридорот 10д.
-„Бехтел и Енка“ во моментов разгледуваат 360 сивија од македонски граѓани од сите различни профили. И тоа е малку, бидејќи во моментов на конзорциумот му се потребни 2.000 работници, рече Ковачевски.
Тој посочи дека саемите за вработување треба да бидат поттик за сите наши со граѓани, без оглед на возраста, сите оние што се работоспособни и кои сакаат да работат на овој голем проект и во една од најреномираните светски компании „Бехтел“ и нивниот партнер „Енка“.
До сега саеми за вработување се одржаа во Тетово, Гостивар и во Битола, а од денеска ќе има понуди и во Прилеп.
– Вакви саеми ќе бидат организирани и во други градови од државата со цел да бидат пополнети со наши македонски работници така како што стои и во договорот, рече Ковачевски.
Тој додаде дека во текот на продолжување на градбата на автопатските делници, потребата од работници ќе се искачи до 8.000 работници на патните правци кои што ги работи „Бехтел и Енка“.
