КОВАЧЕВСКИ: ЦЕНИТЕ НА ТЕСТЕНИНИТЕ И МЛЕЧНИТЕ ПРОИЗВОДИ СЕ НАМАЛЕНИ, ова ќе биде олеснување на семејниот буџет

Денес можевме да се увериме дека одлуката за намалување на цените се почитува од страна на производителите и од страна на троговците, и можевме да видиме дека се однесува како на цената на лебот, но има намалување и на цените на тестенините и на млечните производи. Ова сметаме дека ќе придонесе за олеснување на семејниот буџет на граѓаните, истакна премиерот Димитар Ковачевски при посета на еден маркет во главнот град. 

– Владата продолжува да го
штити стандардот и интересот на граѓаните. Приоритет на Владата е
граѓанинот на прво место, и носиме одлуки кои длабоко сум убеден дека ќе го
подобрат квалитетот на живот во нашата држава. Јавноста е запознаена дека пред
две недели донесовме одлука за замрзнување на цената на белиот и полубелиот леб,
но и дека донесовме одлука со која трговците се обврзани да прибавуваат и
продаваат определени видови и количества стоки на потрошувачите по одреден
редослед.

Иако оваа одлука наиде на
отпор, сепак беше користен за граѓаните, и не се дозволи дисбаланс на пазарот
на понудата и побарувачката. Како продолжение на нашата
одлука, донесовме уште една за намалување на цента на тестениние за 15 проценти.
На дел од млечните производи, меѓу кои кравјото млеко, урдата, сирењето,
кашкавалот, киселото млеко, павлата и јогуртот без додатоци, цената предвидовме
да се намали за 10 проценти, споредено со цената од 1 март оваа година.

Денес можевме да се увериме дека
ова намалување на цените се почитува од страна на производителите и од страна
на троговците, и можевме да видиме дека се однесува како на цената на лебот, но
има намалување и на цените на тестенините и на млечните производи. Ова сметаме дека ќе
придонесе за олеснување на семејниот буџет на граѓаните.

Со мојата посета денеска, но
и претходната посета при намалувањето на цената на лебот, сакам лично да се уверам дали се почитуваат одлуките, и колку за тоа имаат слух производителите и
троговците и дали се штити интересот на граѓаните. Многу пати сум кажал дека
никого нема да оставиме сам да се справува со кризата, но и нема да дозвилиме
личното профитерство да се остварува на грбот на граѓаните, особено сега, кога последицитеод кризата се големи, а од бранот на отпуштања никој не е имун – укажа Ковачевски. Тој потсети дека минатата година Владата определила 760 милиони евра за поддршка, кој бил оценет како најголем пакет, а истакна и дека ќе продолжат да ги поддржуваат компаниите, но
нема да дозволат да се уништува стандардот на граѓаните.

Министерот за економија, Крешник Бектеши, посочи оти и понатаму планираат да ги поддржуваат компаниите кои ќе покажат општествена одговорност и кои ќе ги прилагодат цените. 

– 
Ги повикувам коморите и
компаниите да покажат општествена одговорност и самите да ги намалат цените на
производите, со оглед на намалување на цените на суровините на светските берзи.
Ако они покажат дека се совесни, и ги намалат сами цените, ние ќе излеземе со
нови мерки за поддршка, за да бидат и оние порентабилни.

Сега правиме анализи,
следната недела ќе има и нови мерки. Општествени компании кои ги почитуваат
мерките, но и за да се одржи нивната конкурентност, за да почнат со циклус на
нови работни места – посочи Бектеши. Министерот појаси дека со одлуката цените се намалуваат најмлалку за 10 и 15 проценти, додека оние кои сакаат можат и повеќе да ги намалат цените. 

– 
До утре ќе ги имам анализите
за цените на шеќерот, јајцата и оризот, и до крај на денот ќе го информирам премиерот,
дали има можности како кај другите производи да се реагира – дополни Бектеши.

Директорот на Државен пазарен инспекторат (ДПИ), Горан Трајковски пак посочи дека инспектораатот постапува со полн
капацитет, и посочи дека во текот на денот ќе има подетални информации дали има компании кои не ги почитуваат одредбите.

– Над 160 инспектори се на
терен низ целата земја. Апелирам, бидејќи имаше 6 дена период за прилагодување, компаниите да го почитуваат законот, бидејќи по законот за трговија, санкциите се од 800
до илјада евра… ние како инспекторат ќе ги вршиме надзорите согласно законот.
Досега нема нерегуларности, но да го почекаме крајот на денот, па потоа ќе
инфомираме, ќе ги објавиме прекршителите и со називите на трговските субјекти – посочи Трајковски. 

П.О.

Фото: Принтскрин/Фејсбук