КОСТОВА: Во 2025 година е потребно зголемување на минималната плата на 500 евра
Потпретседателка на СДСМ, Кристина Костова денеска изјави дека во 2025 година е потребно зголемување на минималната плата на 500 евра.
Таа вели дека СДСМ нема да отстапи од грижата за обезбедување посигурен и квалитетен живот на граѓаните и стопанството и дека доколку и владејачката партија ВМРО исто така вистински се грижи за граѓаните, ќе ја зголеми минималната плата на 500 евра.
„Не смееме да дозволиме работниците да бидат оставени на маргините на општеството… Растот на минималната плата не е само економска потреба, туку и морална одговорност на секоја влада“, изјави Костова.
СДСМ има предлог и да се укине ДДВ-то за храна. ВМРО-ДПМНЕ излегоа со реакција во јавноста.
„СДС го покачи ДДВ за прехранбени производи и убедуваше дека чипсот е нездрав и луксузен продукт, а со Новогодишната кошничка за прв пат се опфатени 1000 производи. Новоназначените кадри на високи позиции во СДС, од третиот и четвртиот ешалон на владеење на Зоран Заев, како да заборавија дека до пред шест месеци беа власт“, изјавија од ВМРО-ДПМНЕ.
Тие додадоа дека СДСМ го покачи ДДВ-то за прехранбените производи за време на нивниот мандат.
