KOСТА УБИВАЛ ПО ШЕМА, ИМАЛ 15 ПРИМАРНИ ЦЕЛИ: Убил седум девојчиња и едно момче

Момчето-убиец
Коста Кечмановиќ (13), кој утрово околу 8 часот и 40 минути уби осум ученици и
чувар во основното училиште „Владислав Рибникар“ во Белград и рани уште шест ученици
и еден наставник по историја, го испланирал страшното злосторство еден месец
однапред. Кај него биле пронајдени два рачно напишани документи на кои
забележал кого и како планира да убие во училиште.

Од првиот од
документите што денеска на прес-конференција ги презентираше Веселин Милиќ,
началник на полициската управа за град Белград, се гледа дека Кецмановиќ имал
список со имињата на 16 ученици кои сакал да ги убие денеска. На списокот има
осум момчиња и седум девојчиња, а едно име е чкртано и нечитливо.

Над нивните имиња
е испишана белешката „GL. M“, што може да значи „главни цели“, а ознаката на
одделот – „7/2“. Анализата на списокот со имињата на 15 ученици покажува дека
момчето убиец се обидел доследно да убива според него.

Со споредба на
иницијалите на жртвите и имињата од документот, може да се заклучи дека се
убиени С.Н.(2009), Б.А.(2011), А.Б.(2011), А.Д.(2009), М.А. од списокот.
(2009), додека на списокот ги нема имињата на убиените К.М.(2010) и Е.К.(2009).

Понатамошната
споредба покажува дека во детската болница има ранети деца со иницијали A. B.
(2009),  Х. K. (2009), В. M. и A. A.
(2009), и дека на списокот има ученици со имиња и презимиња кои започнуваат со
тие иницијали.

Меѓу убиените има
седум девојчиња и едно момче.

– Како што самиот
изјави, ова е список на деца кои планирал да ги ликвидира – изјави денеска на
прес-конференција Веселин Милиќ, началник на полициската управа за град
Белград.

Тој нацртал и план
на училиштето и училниците

Покрај тоа што
направил список со имињата на посакуваните жртви, ученикот-убиец Коста Кецмановиќ
на хартија нацртал план за училници и паралелки во ОУ „Владислав Рибникар“.

„ Primary targets“,
напишал на англиски на тој документ. После тоа напишал нешто што личи на список
од неколку одделенија (7/2, 8/4…), а потоа следи број (на жртви?) и сериски
броеви од 1 до 6.

Во прилог на тој
список направил план на приземјето на училиштето и училниците во него, каде
според документот, учениците од паралелките 7/2 (во најблиската просторија до
влезот), 6/4 (следната) и 5/2 (последната) беа денес.

На планот може да
се видат редни броеви за кои се претпоставува дека на Кецмановиќ значеле
одредени активности. На влезот во училиштето ги планирал активностите 1, 2 и 3,
но нема редовен број 4; влегувањето во училница 7/2 беше активност број 5.
Поминувањето покрај училниците 6/4 и 5/2 беа активностите број 6 и 7, но се
чини дека не планирал да влезе во нив, барем според скицата.

Доаѓањето до крајот
на скалите на приземјето беше активност број 8, а се чини дека под точката 9
планирал да се качи и на првиот кат. Којзнае колку мртви би имало во тој
случај!

– Самиот го
одработи планот за влез и излез од училиштето. Како што кажа и самиот, поставил
приоритетни цели. Ова беше пронајдено на неговата маса. Скицата изгледа како
нешто од видео игра или хорор филм. Како да се ликвидира кое дете и по кој
број. Имаше бројки кого од која класа ќе ликвидира – изјави Милиќ.

Поради шокантните
сцени во училишните простории, без зборови останаа и најискусните полицајци.

– Сум бил на
илјадници истраги, ова е нечуено во српското општество! Според досега
собраните податоци, момчето долго време го планирало настанот. Ги зел пиштолите
од станот на татко му, со себе носел и молотови коктели. Прво пукал во
обезбедувањето, а потоа во дежурната ученичка. По злосторството повикал
полиција – изјави Милиќ.

ФОТО: EPA