Коста Кецмановиќ во суд објасни каде научил да користи оружје
Момчето Koста Кецмановиќ кое уби свои соученици во Белград на 3 мај, беше на распит во суд, при што објаснило дека имало речиси професионална обука за ракување со оружје.
Момчето сведочело дека имало скоро професионална обука за ракување со оружје. Во судница, детето го донеле со автомобил на Клиниката за неврологија и психијатрија за деца и младинци, објавија српските медиуми. Ова е првпат момчето-убиец да се соочи со родителите на децата што ги убил. Неофицијално, момчето треба да одговори на пет прашања: Дали татко му го малтретирал? Каков бил односот во семејството помеѓу мајка, татко и сестра? Дали неговиот татко, кој се сомневал дека не го обезбедил соодветно оружјето што го има во куќата, го однел на стрелиште? Дали го научил да пука? Дали му ја дал шифрата на сефот со пиштолот?
При масакрот, момчето уби девет луѓе, осум соученици и чуварот во училиштето. Потоа, уште едно девојче почина од повредите.
Неговиот татко се товари за тешко кривично дело против општата безбедност. Постои сомневање дека го обучувал својот син да ракува со оружје и дека го однел на стрелиште, пишува српски „Блиц“. Во Србија оттогаш се одржуваат протести под мотото „Србија против насилство“. Српските власти преземаа мерки за разоружување на населението. До 1 јули, српските граѓани предале 108.883 парчиња оружје и мини-експлозивни направи.
