Конкурент на Путин за Кремљ?: Борис Надеждин ветува дека ќе ја запре војната во Украина
Во различни руски градови се формираа редици поради кандидатурата на поранешен опозициски пратеник кој сака да се соочи со Владимир Путин на претседателските избори во март.
Според тимот на Борис Надеждин, тој веќе ги собрал потребните 100.000 потписи за неговата регистрација.
60-годишниот Надеждин долго време ги критикуваше владетелите и вети, доколку биде избран, ќе ја запре војната во Украина и ќе ги обнови односите на Москва со Западот. Сепак, според непотврдени извори, властите нема да дозволат да гласаат кандидати со антивоен став.
Во одговор на новинарско прашање, портпаролот на Кремљ рече дека Путин не го смета Надеждин за противник, пишува Ројтерс.
„Секој граѓанин има право да се кандидира за претседател доколку исполни голем број услови“, изјави портпаролот на Кремљ, Дмитриј Песков.
Путин, кој е на власт како претседател или премиер од крајот на 1999 година и ги контролира сите лостови на државната власт, се очекува да добие уште еден шестгодишен мандат во март.
Кремљ вели дека повеќето Руси го поддржуваат она што го опишува како обид на Русија да ја обезбеди сопствената безбедност преку „специјална воена операција“ во Украина, забележува Ројтерс.
