КОМУ МУ ТРЕБААТ СТАРИ ВОЗИЛА, АМА СО ПОВОЛНИ ЦЕНИ, НАЈСКАПОТО Е 6.000 ЕВРА – еве што продава Агенцијата за управување со одземен имот
По подолго време, осамна оглас на веб
страната на Агенцијата за управување со одземен имот, за продажба на возила
одземени од криминал, односно од кривична и прекршочна постапка.
Ќе се продаваат седум возила, главно стари и со мала почетна вредност, па
не се очекува државата да се офајди со висока сума на средства од овие продажби.
Одлуката ја донел Управниот одбор на Агенцијата, а продажбата ќе оди по пат
на електронско наддавање.
Првото возило е товарно моторно возило Ford
Tranzit, се наоѓа во Миладиновци, старо е од 2007 година, а неговата почетна цена е
2.750 евра.
Потоа, кај Полициската станица Матејче има товарно возило Меrcedes-Benz Atego 815, уште постар, од 2001
година, а неговата цена е утврдена на 3.000 евра.
Следува товарно возило Daf, кој
датира од 2006 година, а може да се види во депото во Миладиновци, и за ова возило е
одредена цена од 3.300 евра.
Во истото депо се наоѓа и товарно
возило полуприколка Krone, од 2002 година, и него
ќе може да го добие оној кој ќе биде подготвен да плати 1.750 евра.
Се нуди и исклучително старо возило од 1986 година, товарно возило Mercedes-Benz, со 14.618 зафатнина во
кубици и за него се бараат околу 5.900 евра.
Се нудат и два автомобила, односно WOLKSVAGEN
TUAREG V10 TDI, од 1998 година, и за сума
од 3.900 евра, како и патничко моторно возило NISSAN TERANO 2.7TDI, од 2006 година и за сума
од само 780 евра.
Депозитот за учество на
електронското јавно наддавање изнесува 10 отсто. Купувачот е должен по завршувањето на
електронското јавно наддавање, постигнатата цена да ја уплати веднаш,а доколку фирми се купувачи на определена ствар им
се пресметува дополнително ДДВ на вкупната цена на која го купиле предметот.
Возилото се презема веднаш по
заклучувањето на јавното електронско наддавање и уплатата на постигнатата цена. Сите трошоци во врска со преземањето на возилото
од плацевите наведени во табелата, паѓаат на товар на купувачот.
Разгледувањето на возилата е планирано за денеска и утре, а учесниците
на јавното наддавање имаат право на приговор само по однос на постапката за
јавното наддавање. Нддавање
нема да се одржи доколку се јави само еден понудувач.
Понудувачот кој ќе постигне
највисока цена станува сопственик на моторното возило, а доколку не ја уплати цената во рок од 15
дена од заклучувањето на јавното електронско наддавање ќе се смета дека се
откажал и уплатената гаранција ќе служи за покривање на трошоците на наддавањето.
Објавата на овој оглас трае заклучно до 19 февруари.
Н.Н.Ф.
