ФОТО Европското распарталено, а македонското воопшто го нема на министерството за здравство
Новиот министер за здравство Илир Демири во Министерството за здравство дочекан со распарталено знаме на Европа, а македонското воопшто го нема.
Кога екипата на 4NEWS.mk ги направи овие фотографии, министерот го напушташе министерството и се упати кон Влада, но знамињата речиси и да не ги забележа оти веднаш се качи во службениот автомобил.
Ова не е прв пат државни институции да не го почитуваат законот.
Член 6 од Законот за употреба на грбот, знамето и химната на Република Македонија, вели:
„Грбот и знамето на Република Македонија не смеат да се употребуваат ако се дотраени, неуредни, искинати или на друг начин оштетени, или со својот изглед се неподобни за употреба. Оштетените или за употреба неподобните грб и знаме на Република Северна Македонија се повлекуваат од употреба.“
