КОМПИР, ПУТЕР, ЈАЈЦА: Што друго поскапе во земјите од ЕУ?
Eвропјаните јадат поскапа храна. Продолжува растот на цените на храната во Eвропската Унија (ЕУ). Податоците на Евростат покажуваат дека има пораст на цените во однос на лани и во однос нс 2021 година.
Во септември годинава просечната цена на маслиновото масло била за 75 отсто повисока споредено со јануари 2021 година, а компирот поскапел за 53 проценти.
Јајцата сепак се за 37 отсто поскапи во однос на јануари 2021 година. Цените на путерот во септември биле за 27 проценти повисоки отколку во јануари 2021 година, иако од ланскиот декември има тенденција на нивно постепено намалување, јави дописничката на МИА од Брисел.
За маслиновото масло се знаеше дека ќе поскапе поради неповолните климатски услови. Шпанија е еден од најголемите производители на маслиново масло.
foto freepik.com/chandlervid85
