Комеморација за Мето Јовановски во Драмски театар

Последен поклон за доајенот на македонското глумиште Мето Јовановски. Колегите актери се простија од човекот кој остави неизбришлива трага на уметничката сцена. Ненадоместлива загуба за театарската и филмска сцена, човек за кој актерите велат дека и најтешките улоги ги играл со особена леснотија.

Последен пат на сцената на драмски пред дваесетина дена бравурозно ја одигра својата последна претстава „Mоето име е Горан Стефановски“.

Еден од водечките драмски уметници во Македонија ќе се памети по легендарните филмски улоги во „Tетовирање“, „Среќна нова 49“, „Големата вода“, „До Балчак“, „Пред дождот“ и многу други. Јовановски е добитник на многу награди, „Златна клапа“ во Белград, четирикратен лауреат е на наградата „Милтон Манаки“, наградата „Петре Прличко“, наградата за животно дело „Војдан Чернодрински“, има признание за животно дело. Неговите реплики уште долго ќе се повторуваат.