Колку чинат две кафиња во Далмација?
Хрватските медиуми пишуваат за високите цени во Далмација.
Цените во угостителските објекти низ Далмација ги надминаа сите мерки за домашните гости, но и за странците, пишува денеска Слободна Далмација. Читател им испратил сметка која покажува дека за две кафиња платил 14 евра. Според информации на хрватските медиуми, хрватските граѓани, освен оние кои имаат свои викендички на Јадранот, почесто летуваат на други дестинации, што досега не беше случај.
Медиумите претходно објавија дека сметката за два кроасани и чај изнесува 15,68 евра на Корчула.
