КОЛАПСОТ НА SVB ГИ ПОГОДИ СТАРТАПИТЕ И ВО КИНА: „Користеа средства од инвеститори во Америка“

Колапсот SVB
има големи ефекти врз кинеските стартапи, особено оние поддржани од фондови
деноминирани во американски долари.

Американските регулатори ја затворија банката во петокот,
што стана втор по големина банкарски неуспех во земјата. SVB го изгради својот
бизнис на поддршка на технолошки стартапи, вклучувајќи ги и оние од Кина. Оној, кој основаше финтек компанија
и две други технолошки компании, а
кој сака да остане анонимен,за NCBS рече дека на ризичните капиталисти
им се допаѓа работата со SVB бидејќи банката им дозволи на инвеститорите да
видат и да одобрат како стартапите ги користат нивните средства.

„Без SVB, тоа ќе и наштети на технолошката индустрија
бидејќи не постои друга банка што ги обезбедува овие две функции“, рече изворот на NCBS, мислејќи на брзото
отворање на сметки за стартапи и видливоста за ризичните капиталисти.

Имањето сметка со SVB им овозможи на стартапите со седиште
во Кина да користат средства од инвеститори со седиште во САД, со цел да се даде јавна понуда во САД.
Регулаторниот притисок од Пекинг и Вашингтон го ограничи растот на тој пазар од
Кина до САД. Не беше веднаш јасно колку стартапи во Кина имаат SVB сметки.
Сепак, извор на CNBC забележа дека многу стартапи со седиште во Кина со
американско финансирање имаат тенденција да започнат со банкарски сметки на
SVB.

Биотехнолошката компанија Zai Lab со седиште во Шангај рече
дека околу 2,3% од нејзините околу 1,01 милијарди долари во готовина и парични
еквиваленти се чуваат во SVB до крајот на декември. Повеќето од нив беа во
JPMorgan Chase, Citigroup и Bank of China (Хонг Конг), се вели во официјалното соопштение
на Zai Lab. Друга биотехнолошка
компанија наречена Everest Medicines рече дека има помалку од 1% од своите пари
во SVB и очекува да ги врати поголемиот дел од своите банкарски депозити преку
американската Федерална корпорација за осигурување на депозити.

Истовремено, во анализата
на Deutsche Welle се наведува
дека инвеститорите се загрижени дека поради растот на каматните стапки и
други банки би можеле да се најдат во иста ситуација“. Ова го иозјави Кристијан
Хенке од институтот ИГ Маркетс.

Кој е уште потенцијален кандидат?

Мориц Шуларик, професор по економија на Универзитетот во
Бон, смета дека „решителната акција“ на властите во САД го намалила ризикот од
натамошно пропаѓање на банки. „Министерството за финансии на САД и
Американската централна банка за време на викендот презедоа чекори кои би
требало да ги смират клиентите на овие две банки.“

Шуларик за DW укажува дека светот треба да обрати внимание на постоечките проблеми во
глобалниот финансиски сектор.

„Овие работи секако е тешко да се предвидат, а навистина
проблемите поради кои пропаднаа банките SVB и Signature не се ограничени само на нив. Значи, прашање е кој е
уште потенцијален кандидат?“

Според Здружението
на германски банки, германските банки се „моќни, стабилни и флексибилни“.