Кои го водат орото во Полог? Најголемиот не е од град, а единствен лани направи над 100 милиони евра!

Полог е пример за тоа дека во Македонија може да се води голем бизнис и од село. Полог е исклучок од правилото што важи во Македонија дека градот го уби селото. За тоа колку е силна приватната иницијатива во комбинација со локал-патриотизмот во Полог покажува фактот што дури три од најголемите пет компании се стационираи во селски општини исто како што се три од најпрофитабилните компании.

Полог е најсеверната котлина во Македонија која има два клучни атрибути по кои се разликува од сите други. Првиот е демографски и произлегува од најгустата населеност во споредба со сите други региони и најбројна дијаспора, а втората е дека е наголем бизнис инкубатор со најголем број претприемачи од кои значаен дел се веќе успешни и големи бизниси. Со еден збор Полог, неговите два големи града Тетово и Гостивар и бројните населени места се царство на приватната иницијатива. Токму таа исклучително висока култура за водење сопствен приватен бизнис произлегува од тоа што овој регион со децении наназад има бројни иселеници во западноевропските земји и во САД.

Статистички Полог има околу 300.000 жители на хартија, но заради големата економска миграција реалниот број на постојани жители е помал. Особена економска активност во котлината има во летните месеци кога традиционално се прават гастарбајтерските свадби. Полог е поставен по течнието на Вардар и неговата просторна површина е 400 квадратни километри.

Полог е познат како регион со многу плодна земја, развиено приватно организирано земјоделство, многу богат со вода затоа што тука извира и тече најголемата македонска река Вардар и што е најважно со вредни и работливи луѓе кои се докажани претприемачи и големи стопанственици.

Анализата на податоците од Централниот регистар покажуав дека лани овој регион имал 20 компании со приход поголем од 6 милиони евра 11 компании кои ланската кризна и непредвидлива година ја завршиле со добивка поголема од 1 милион евра.

НАЈГОЛЕМИ КОМПАНИИ ВО ПОЛОГ (според приход во 2022 година)