КОГА СИНОТ НА ДОНАЛД ТРАМП ЌЕ ВЛЕЗЕ ВО ЕДНА КОМПАНИЈА: Акциите секундарно скокаат за 100 проценти
Акциите на производителот на дронови Unusual Machines пораснаа за речиси 100 отсто на скратената трговска сесија во петокот, по веста дека Доналд Трамп Јуниор, најстариот син на претседателот Доналд Трамп, се приклучил на советодавниот одбор на компанијата претходно оваа недела.
„Приклучувањето на Доналд Трамп Џуниор во нашиот одбор на советници ни обезбедува единствена експертиза што ни е потребна додека го враќаме производството на компоненти за дронови во Америка“, рече извршниот директор Алан Еванс во соопштението.
– Потребата од дронови е очигледна. Очигледно е и дека мора да престанеме да купуваме кинески дронови и кинески делови за беспилотни летала – коментира Трамп помладиот.
Unusual Machines нагласи дека нејзиниот бизнис е „многу зависен од кинескиот увоз за нејзините производи и операции“, но исто така изрази загриженост за потенцијалното влијание на предложените тарифи на Вашингтон врз кинеската индустрија за беспилотни летала, предупредувајќи дека таквите мерки може да го нарушат нејзиното идно работење.
Акциите на компанијата со седиште во Флорида се зголемија за 97,44 отсто и се тргуваа за 19,29 долари за парче во 11:27 часот по средноевропско време, објави Teletrader.
