Коцките се наместија! Ќе ги огрее ли екстра дивиденда акционерите на „Стопанска банка Скопје“?

По тригодишен пост доаѓа ли време за обилна дивиденда за акционерите во „Стопанска банка Скопје“? Клучниот услов е исполнет: банката префрли во капитал 40 милиони евра кои досега беа расположливи за поделба на дивиденда. Со тој потег ја бетонира својата пазарна позиција, ги исполни сите барања на централната банка и што за акционерите е најважно обезбеди „виза“ да ја подели во дивиденда добивката за 2023 година која изнесува над 56 милиони евра!

Претстојат ли многу добри вести за акционерите на „Стопанска банка Скопје„? Ова е првото прашање што ќе си го постави секој инвеститор во акции на нашата берза откако ќе ја прочита предлог одлуката за претстојното акционерско собрание на кое доминантниот акционер ќе префрли 40 милиони евра во капиталот на „Стопанска банка Скопје“. Со таа одлука тие пари ќе ја засилат актуелната солидна капитална позиција на оваа голема банка. Кажано со речникот на градежниците тие 40 милиони евра ќе бидат армирано-бетонска конструкција на и така силната (капитална н.з.) статика на оваа голема банка. А тоа само по себе е ногу квалитетна и позитивна ценовно чувствителна информација. Затоа што на таа акција во иднин и дава голем потенцијал за раст кој е резултат на пазарниот капацитет на банка.

И сега најважното прашање : што со добивката од 56,43 милиони евра остварена во 2023 година?

Суштината на објавата достапна на следниот линк https://www.seinet.com.mk/Default.aspx?lang=MK&docID=66538 (поточно точка 2 н.з.) всушност води до тој заклучок.

Со инвеститорски речник кажано сега банката ја отвори портата за да донесе одлука за поделба на дивиденда во значаен износ, а при тоа Централната банка да не може да најде никаква замерка.

Затоа што адекватноста на капиталот е значајно поддржана со инфузијата од 40 милиони евра кои веќе нема да бидат достапни за акционерите. Но затоа пак ќе нема пречки акционерите да добијат солидна дивиденда од добивката вредна над 56 милиони евра остварена во 2023 година.

А доколку ја подели во целост таа добивка во дивиденда тоа би дошло и до 3 евра во бруто износ. А акционерите на „Стопанска банка Скопје“ постат односно се воздржуваат од поделба на дивиденда три години… 

Евентуално некаква пречка за реализација на вакво сценарио би можела да биде недефинираната позиција и отвореното прашање на најголемиот акционер со имателите на приоритетни акции. 

Р.Ф.