Коце Трајановски: Во употреба сите три асфалтни бази на „Македонија пат“
Директорот на Јавното претпријатие за државни патишта Коце Трајановски најави дека пуштени во погон ќе бидат сите три асфалтни бази на „Македонија пат“, претпријатието за одржување на магистралните и регионалните патишта во земјата.
Ова Трајановски го потврди при посетата на асфалтната база на Јавното претрпијатие за одржување на магистрланите и регионалните патишта (Македонија пат) во Скопје која до сега беше единствено активна, а од вчера стартуваа со работа и асфалтните бази во Велес и Битола.
Трајановски изврши увид и во асфалтирањето на делницата Желино-Јегуновце, а асфалтирање на поравнителниот асфалт се вршеше и на Р1102 кај Демир Капија. При увидот тој потенцираше дека не е важно само да се инвестира во патишта туку исто така е важно и да се одржуваат.
„Една од главните заложби на директорот на ЈППД Коце Трајановски со неговото стартување на функцијата беше да се отпочне со исплата на долгот кон Македонијапат со цел да се овозможи отпочнувањето со чистење на патиштата и асфалтирање и санирање на оштетените делови.
Во таа насока се договори динамика на работење со Македонијапат со што ја враќаме условно речено „во живот“ за доброто на граѓаните и нивната безбедност како учесници во сообраќајот на магистралните и регионалните патишта.
Во иднина ќе тежнееме кон зголемување на средствата за одржување на постојната патна мрежа“, објави ЈПДП.
