КОЈ ПЛАТИ ОДЕДНАШ 211 ИЛЈАДИ ЕВРА – блок трансакции со акциите на нафтениот дистрибутер

Берзанскиот ден вчера го означиле, меѓу другото, блок трансакции со акциите на „Макпетрол“. 

Поминале две блок трансакции со акциите на нашиот најголем нафтен дистрибутер, од кои едната на помала сума од нешто над 42 илјади евра, додека другата, пак, на сума од над 211 илјади евра.

Или поточно, како што говорат информациите од Берзата, на едната блок трасакција биле продадени и купени акции 40 акции по цена од 65 илјади денари за акција, што формира вкупна сума од 2,6 милиони денари или 42.276 евра, додека, пак, на втората трансакција поминаа 200 акции, исто така по цена од 65 илјади денари за акција. 

Со оглед што поминале две блок трансакции во исти ден, претпоставка е дека станува збор за двајца различни купувачи или продавачи на овие акционерски пакети.

Со оглед на вкупниот број на акции кои ги поседува ова акционерско друштво, станува збор за мали пакети акции, односно едниот е 0,18 отсто, додека другиот е 0,03 проценти, или вкупно 0,22 отсто.

На вчерашното редовно тргување акцијата на „Макпетрол“ имала цена од 64.500 денари за акција, а биле истргувани 41 акција. 

Н.Н.Ф.