КОЈ НАВАЛИ НА АКЦИИТЕ НА „ГРАНИТ“ – платени се близу 550 илјади евра во три блок трансакции со градежниот гигант

Над половина милион евра биле платени за акции на градежната компанија „Гранит“ во четвртокот минатата недела.

Имено, во тој ден на Берзата поминале три трансакции, во кои за однапред познат купувач се продале одредена количина акции на таа компанија.

Она што е заеднично за трансакциите, е дека една акција се продала по цена од 1.920 денари за акција, што е солидно повеќе од цената постигната за овие акции на редовниот пазар на 19 овој месец, кога всушност се случило последното тргување со акциите, и кога цената на една акција изнесувала 1.901 денар за акција.

Притоа, вкупната вредност на блок транскациите е дури 543 илјади евра, при што најголемата трансакција изнесувала над 332 илјади евра, што значи дека сигурно е дека еден купувач ја платил таа сума за 10.642 акции кои ги купил. Друг купувч, пак, или можеби истиот овој, за 3.660 акции плаил вкупна сума од над 114 илјади евра, додека, пак, во третата трансакција, за која не е исклучено, но и не мора, да е истиот купувач, продадени се 3.075 акции, за сума од рамно 96 илјади евра.

Које е купувачот или купувачите на овие блокови не е познато.

Но, најновата денешна состојба на Централниот депозитар за хартии од вредност, која ги дава само акционерите кои поседуваат над 5 отсто, говори дека сопственичката структура на Гранит во овој момент не е променета од она што беше во ноември минатата година, а тоа беше дека Зоран Милковски, кој е и директор на компанијата, поседува 9,8 отсто од акциите, Ивана Милковска Симева 9,31 отсто, компанијата Бард коп од нови Београд има 5,06 проценти, додека пак, самиот Гранит има во посед сопствени акции од 9,81 отсто.

Дали ова би можело да значи дека овие акционерски количини од блок трансакциите ги купил одреден акционер кој поседува помалку од пет проценти, и за кој инвеститор станува збор, би било интересно да дознае инвеститорската заедница. 

Н.Н.Ф.