КОЈ Е МЕРГИМ ЉУШТАКУ, ПРАТЕНИКОТ ШТО ГО ПОЛИ КУРТИ СО ВОДА? Неодамна беше во друштво на екс-претседателот на САД, Бил Клинтон
Во кратката официјална биографија стои дека Мергим Љуштаку, пратеникот кој фрли вода
врз премиерот Аљбин Курти, е роден во 1986 година во Скендерај (Србија) и е
член на повеќе собраниски комисии.
Меѓу последните објави на Инстаграм профилот на пратеникот Љуштаку е неговата фотографија со
поранешниот американски претседател Бил Клинтон и честитка до САД за Денот на
независноста 4 јули.
„Ги поздравувам сите оние кои веруваа во ослободувањето на
Косово, иако беше тешко да се поверува во околностите кога месарот на Балканот
ги имаше лостовите на српската држава. Ги поздравувам и оние кои не веруваа во
некој корисен процес за Косово и кои денес не веруваат во сојузот со САД, со
оваа фотографија со Бил Клинтон, 42-от претседател на САД. Историјата што е
заборавена може да се повтори! Среќен 4-ти Јули, Денот на независноста на
САД!“, стои во објавата на Инстаграм.
А меѓу „постарите објави“ е и фотографија со бизнисменот
Беџет Пацоли.
Во Лугано, Швајцарија, заедно со хуманиот, успешен
бизнисмен, пратенички колега, докажан човек, кој на Косово му донесе инвестиции
и многу признанија, пишува во таа објава.
Тој е член на
Демократската партија на Косово, партија која сега ја води Мемли Красниќи, а чии
претходни лидери исто така беа обвинети од Хаг, Хашим Тачи и Кадри Весељи.
По повод
вчерашната тепачка во Собранието на Косово меѓу пратениците на ДПК и
Самоопределување, Љуштаку преку објава на Фејсбук порача дека на владата на Албин
Курти треба да ѝ се каже „стоп“, односно „измамниците да се тргнат
од власт и да се оди на вонредни избори“.
Тој изјави дека
по насилството во парламентот извршено од владата на Курти, добил „илјадници
телефонски повици и пораки на кои не можел да одговори“.
Во друга објава
покажа и фотокопија од поканата да се пријави во обвинителството за настаните
во Собранието, како и снимка кога министерот и технички преговарач во Брисел,
Бесник Бесљими го удира со шише.
Физичката
пресметка во Собранието на Косово почна кога вицепремиерот Бесник Бисљими го
искина плакатот „здраво“ што го поставија пратениците од опозицијата.
