Кој дрма во Велес? Еве ги најголемите компании во градот на Гемиџиите!
Гринфидл инвестицијата „Маркарт“ е економска локомотива на Велес, но градот на Вардар има силна домашна секција која е комбинација од металната, прехранбената и агро индустрија заедно со еден од големите ланци супермаркети
Велес, родното место на Кочо Рацин и Коле Неделковски, родното место на Васил Главинов, градот на „Гемиџиите“, градот на мостовите поставен долж реката Вардар во срцето на Македонија, најголемиот јазол на македонската железница. Град синоним на македонскиот непокор, преродбата и социјализмот. Градот на црната металургија која стана негова црна судбина затоа што можеби најжестоко страдаше во македонската политичко – економска транзиција во деведесетите години на минатиот век.
Од транзицијата излезе поразен, но стана посилен. Едни заминаа и оставија простор на други, а малку од нив успеаја да го фатат приклучокот и да се преструктруктуираат по пазарното „вјерују“. Темелно и полека, но сигурновелешките компании растеа и се развиваа.
Денеска најголемите од нив, домашно поседувани, во градот внесуваат и распределуваат приход поголем од 130 милиони евра годишно. Домашни лидери се ланецот маркети „Жито“, неизоставниот индустриски гигант „Брако“ и претставниците на агро секторот и прехранбената индустрија: „Агриа“, „Кристал 1923“, „Овчеполка“ и „Малина“. Во Велес економска локомотива е гринфилд инвестицијата „Маркарт“ која вработува 550 лица и генерира приход од 124 милиони евра.
Р.Ф.
