Кој ја гарантира безбедноста на шминката? Ревизијата открива опасни пропусти

Државниот завод за ревизија (ДЗР) во својот извештај за Државниот санитарен и здравствен инспекторат (ДСЗИ) за 2024 година нотира серија системски слабости во контролата на производите за широка потрошувачка.

Застарена листа на забранети супстанции

Според ревизорот, Министерството за здравство од 2010 година ја нема ажурирано листата на супстанции кои се забранети во козметичките производи. Додека во земјава листата содржи околу 1 600 супстанции, во Европската Унија таа е повеќекратно проширена и моментално брои 1 751 забранета материја. Причината е законската недореченост, бидејќи во постојниот закон не е предвидена обврска за редовно усогласување со европските стандарди.

Несоодветна лабораториска опременост

Извештајот открива дека во државата не постојат соодветни услови за испитување на сите опасни супстанции.

Административни и кадровски недостатоци

Ревизијата констатира дека инспекциските надзори се соочуваат со дополнителни пречки:

Критичен дефицит на инспектори

ДЗР алармира за кадровската слика во Инспекторатот. Пополнети се само 59% од предвидените работни места, односно работат 66 лица. Од вкупниот број инспектори, дури 58% се на возраст над 50 години, а 42% се постари од 60 години. И покрај поднесените планови за нови вработувања, Инспекторатот добивал негативни одговори од Министерството за финансии, што според ревизорот, создава неизвесност во планирањето и квалитетот на идните надзори.