КОЈА Е ТАЈНАТА НА УСПЕХОТ НА ЗАРА – еве како успеа двојно да ги зголеми приходите во однос на главниот ривал

Inditex SA можеби е најголемата модна компанија. Тоа е шпанската фирма вредна 183 милијарди долари која стои зад глобалниот трговец на мало Зара – бренд познат по брзата испорака на облека директно од модните писти и по пристапните цени.

Зара е еден од најуспешните светски трговци на мало и најголемата компанија во Шпанија. Иако матичната компанија Inditex поседува и продавници како Massimo Dutti и Pull&Bear, Zara несомнено е нејзиниот највреден бренд, со 72 отсто од вкупната продажба на Inditex.

Зара е синоним за она што се нарекува „брза мода“ и со конкурентската компанија H&M влијаеше на тоа колку и како развиениот свет размислува за купување облека – купувајте повеќе и носете помалку. А последиците по животната средина се катастрофални. Модната индустрија е одговорна за значителна количина на емисии на јаглерод и пластичен отпад.

Како Зара стана џин?

Клучот на Зара е логистиката. За разлика од другите компании кои зависат од фабриките во Азија (каде што работи и Зара), повеќето стоки се произведуваат „локално“ – во Португалија, Мароко и Турција. Се што се произведува се испраќа во Шпанија и оттаму низ целиот свет.

Благодарение на тимот на менаџери кои „ловат“ трендови, компанијата дизајнира ново парче за шест недели и го пласира во продавниците, кои благодарение на добрата логистика имаат повеќе од другите ривали. Плус, продавниците се поголеми, па клиентите можат да ја пробаат облеката.

Имено, Зара сфатила дека во своја полза може да го искористи растот на популарноста на Шеин и Тему, кинески компании кои нудат уште поевтини стоки преку онлајн каталозите. Со тоа што ќе ги доближите клиентите и ќе им дозволите да пробуваат нови парчиња „во живо“ во продавницата.

Исто така, Зара ги користи „клиентите“ како модели за своите производи, со малку невообичаени маркетинг кампањи кои не се потпираат на познати модели или актери, туку на обичниот свет (и понекоја принцеза која сака да носи парчиња Зара).

Сето ова доведе до фактот дека главниот ривал на Зара – H&M – стои многу полошо од шпанскиот гигант. Зара во 2024 година заработи околу 40 милијарди долари, H&M двојно помалку.

Зара и предизвиците

Но, денешните предизвици доаѓаат помалку во форма на битка за удел на пазарот, а повеќе во балансирање на разорното влијание на модната индустрија врз животната средина и растечката база на конкуренција од ривалите како Шејн и Тему.

Кинеските компании ја променија играта со нивната евтина понуда и многумина се префрлија на нив. Исто така, овие компании се помалку еколошки одговорни од западните компании кои одговараат и на општеството и на инвеститорите.

Брзата мода влијае на околу 20 проценти од штетните емисии на гасови врз животната средина, а дури 300 милиони тони пластика што ја „загадува“ планетата секоја година доаѓа од модната индустрија. Тоа се милијарди килограми отпад годишно.

Во обид да се бори против ова, Зара вети дека ќе ги намали емисиите на стакленички гасови за 50 проценти до 2030 година и дека ќе има нула емисии до 2040 година. Дали тоа е доволно останува да видиме.

Бонитет.ком