Која државна институција ќе „поарчи“ 3.500 топа хартија за печатење во ера на дигитализација?
Собранието „ќе се наоружа“ со 8,75 милиони листови хартија за печатење од А4 формат и уште 800 топа печатарска хартија А3 формат. И така во ерата на дигитализација нашето Собрание на печатарска хартија ќе потроши речиси 19.000 евра
Македонското Собрание за своите потреби за една година набави 3.500 топа хартија за печатење А4 формат. За оваа намена Собранието од својот буџет ќе плати 13.000 евра само за хартијата за печатење во стандардниот А4 формат.
Ако се знае дека секој топ хартија за печатење содржи по 2.500 листа тогаш на нашето Собрание за една година ќе отпечати 8,75 милиони листови хартија.
Договорот за печатење хартија го склучил парламентарниот спикер Африм Гаши со „Офис Плус“ компанија што го добила тендерот за печатарска хартија. Склучен е на 4 септември и е со рок на важност од една година.
Освен тие 3.500 топа хартија А4 формат нашето Собрание за своите потреби набави и 800 топа хартија А3 формат за што ќе плати 5.900 евра.
Сума сумарум Собранието под водство на Гаши за печатарска хартија А3 и А4 формат за една година ќе плати речиси 19.000 евра.
Сите детали на договорот се јавно достапни на следниот линк https://e-nabavki.gov.mk/PublicAccess/home.aspx#/contracts/0
Затоа што немаме достапни податоци за набавка на хартија за печатење претходо не можеме да утврдиме дали Собранието прави напори да ја намали потрошувачката на хартија за печатење со ерата на дигитализацијата на работењето.
Што се однесува до собраниските тендери вреди да се истакне и тоа дека минатиот месец Кабинетот на Гаши распиша набавка за 30 ЛЦД телевизори (дијагонала на екран од 80 сантиметри), 12 инвертер клими и еден професионален фотоапарт заедно со фото објектив. Повеќе детали за овој тендер достапни на овој линк https://faktor.mk/ushte-eden-nesmasen-gaf-na-lugjeto-na-gashi-zoshto-pretsedatelot-na-sobranie-sluzbeno-kupuva-30-lcd-televizori-i-12-invereter-klima-uredi
Р.Ф.
foto freepik.com
