Кина казнета со 24 милијарди долари поради прикривање информации за коронавирусот
Судот во американската сојузна држава Мисури ги прогласи кинеските власти за одговорни за прикривање информации за ширење на коронавирусот и изрече казна од над 24 милијарди долари, пишува Њујорк Тајмс.
Тужбата беше поднесена од канцеларијата на јавниот обвинител во Мисури во април 2020 година, на почетокот на пандемијата.
Судијата Стивен Н. Лимбо Џуниор пресуди дека „Кина го измами светот за опасностите и обемот на пандемијата на коронавирусот“ и дека „се впуштила во монополистички акции на складирање лична заштитна опрема“, наведува весникот, повикувајќи се на пресудата.
Потезите на Кина ги оневозможија САД веднаш да одговорат на пандемијата и да купат доволно заштитна опрема за здравствените работници, се вели во пресудата.
Кинеската влада нема да ја признае пресудата, изјави за Њујорк Тајмс Лиу Пенџу, официјален претставник на кинеската амбасада во Вашингтон.
