Касами: Прашање e на време кога Али Ахмети ќе се појави на американската „црна листа“!
Шефот на Движењето Беса Билал Касами е убеден дека на американската „црна листа“ ќе се најде и првиот човек на ДУИ, Али Ахмети.
„Не можам да кажам дека имам информации, но секако ако зборуваме за целиот процес на оценување на лицата кои треба да се најдат на „црната листа“ на ДАШ, индициите се дека на тој список треба да има многу функционери на ДУИ – меѓу кои проценувам дека ќе биде и лидерот на оваа политичка партија затоа што ако обвинувањата против градоначалникот на Струга се дека ја попречувал правдата и бил вмешан во коруптивни работи, дека бил вмешан во попречување на правдата, тогаш истите сомнежи за исти постапки се и за првиот човек на ДУИ. Затоа, уште еднаш кажувам дека е прашање на време и динамика да се објават имињата што ќе се најдат на тој список. Убеден сум дека за целиот овој процес да биде сигурен и легитимен, сметам дека едно од имињата треба да биде и шефот на ДУИ“, вели Касами.
