КАРТЕЛИ: Трговци со инсулин во Македонија лани казнети со 110 милиони денари
Комисијата за заштита на конкуренција одредила казна од 110 милиони денари за трговците со лекови Д-р.Пановски и Фарма Трејд во јули минатата година поради забрането усогласено однесување при постапка за набавка на инсулин за Министерството за здравство.
Станува збор за период од август 2016 до август 2018, а постапката била повторена. Д-р Пановски е казнет со 65.230.700 денари (1,07 милиони евра), додека Фарма Трејд добила глоба од 44.359.800 денари (727.000 евра). Ова е единствениот картелски случај за кој во текот на ланската година е одредена поголема казна, пишува комисијата во својот извештај.
„Во повторена постапка се утврди
дека Друштво за производство, трговија и услуги Фарма Трејд ДООЕЛ увоз-извоз,
ул.Антон Попов 1/1-3 Скопје и Акционерско друштво за производство на лекови,
медицинска опрема и материјал промет и услуги Д-р.Пановски ул. Скупи 3 бр.55 Скопје,
како претпријатија кои што вршат дејност трговија со лекови на територијата на
Република Македонија, во периодот од мај 2016 година, кога се поднесени понудите во
отворената постапка бр.35/2016 за јавната набавка на лекот со генеричко име Human
insulin (со средно продолжено дејство комбиниран со хуман инсулин со кратко дејство)
12
(70/30 или 75/25) во фармацевтска форма суспензија за инјектирање и на лекот со
генеричко име Human Insulin (со средно дејство) во фармацевтска форма суспензија за
инјектирање на Министерството за здравство до ноември 2018 година, како период до
кога траеле Договорите склучени со Министерство за здравство по отворената постапка
бр.62/2016, усогласено се однесувале, на начин што во отворената постапка бр.35/2016 и
бр.62/2016 за доделување на договор за јавна набавка на инсулин, глукагон, инсулински
игли и ленти за мерење шеќер и инсулински пумпи со потрошен материјал за периодот
август 2016 – август 2018 година за потребите на населението на Република
Македонија,за лекот со генеричко име Human insulin (со средно продолжено дејство
комбиниран со хуман инсулин со кратко дејство) (70/30 или 75/25) во фармацевтска
форма суспензија за инјектирање и на лекот со генеричко име Human Insulin (со средно
дејство) во фармацевтска форма суспензија за инјектирање, доставиле понуди со цени
претходно одредени на начин кој им овозможувал да ја заменат состојбата на непречена
конкуренција на релевантниот пазар со состојба на практична соработка помеѓу
претпријатијата, и на електронските аукции понудените цени не ги намалиле со цел
нарушување на конкуренцијата преку директно или индиректно фиксирање на
продажните цени што претставува постоење на прекршок од член 59 став (1) точка 1), а
во врска со член 7 став (1) од Законот за заштита на конкуренцијата“, стои во објаснувањето на КЗК.
Скопскоото јавно обвинителство во 207 спроведе истрага против претставници на Клиничкиот центар и на двете компании по претходни кривични пријави од финансиската полиција за договори за медицинска опрема.
Во изминатите години Министерството за здравство редовно постигнува договори за интервентна набавка на инсулин со „Д-р Пановски“ и „Феникс фарм“, кои добиваат најголем дел од колачот.
А.К.
