Карен Бас: „Непотребна беше Националната гарда во Лос Анџелес“ 

Градоначалничката на Лос Анџелес, Карен Бас, денес оцени дека акцијата за распоредување на припадници на Калифорниската Национална гарда во тој град, по конфликтот меѓу демонстрантите и вработените во одделот за имиграција, била „непотребна“.

Припадниците на Националната гарда почнаа да се распоредуваат во Лос Анџелес од раните утрински часови, на барање на администрацијата на американскиот претседател Доналд Трамп, по судирите меѓу демонстрантите и агентите за имиграција кои извршија рации во локалните бизниси, објавува ЛА Тајмс.

„Се обидовме да разговараме со администрацијата и да им кажеме дека апсолутно нема потреба војниците да бидат на терен тука во Лос Анџелес. Протестите што се случија синоќа во Лос Анџелес беа релативно мали, околу 100 демонстранти. Лос Анџелес беше целосно мирен цел ден“, рече Карен Бас.