КАКВА ПОПУЛАРНОСТ НА ТЕМУ НИЗ ЦЕЛА ЕВРОПА: Германија е на врвот, во Македонија над 27 отсто ја користат платформата

Со 16,3 милиони
месечни корисници, Temu е попопуларен во Германија отколку каде било на друго
место во Европската Унија. Попознатиот Shein привлекува поголемо внимание во
Франција, Шпанија и Италија, но најмногу приходи во Европа генерира во
Германија.

Ова е според
неколку извештаи објавени неодамна. Temu и Shein, онлајн шопинг платформи со
кинески корени, имаат значително влијание врз е-трговијата во Европа. Тие брзо
добиваат удел на пазарот на сметка на локалните онлајн играчи, кои не се
задоволни од начинот на кој функционираат овие платформи. На пример, тие се
обвинети дека не се придржуваат до прописите за безбедност на производите,
заштита на потрошувачите, царини, даноци и животна средина.

Многу големи онлајн платформи

Тему и Шеин се
под лупа од трговските и потрошувачките организации, како и од владините
агенции. Со конкретен акционен план, германската влада, на пример, се обидува
да создаде рамноправни услови за игра помеѓу европските онлајн трговци на мало
и азиските платформи, причина што ја поддржува и E-commerce Europe. Европската
унија ги повика многу големите онлајн платформи, како што е дефинирано со
Законот за дигитални услуги, да обезбедат транспарентност во однос на нивното
работење.

Тему во Европа

И Тему и Шејн
сега објавија извештаи за транспарентност, покажувајќи ја нивната популарност
во Европа и во различните земји-членки на ЕУ. Почнувајќи од Temu: од април до
октомври, платформата достигна 97,3 милиони Европејци, а мнозинството се наоѓа
во Германија (16,3 милиони корисници). Следат Франција (12,0 милиони) и Италија
(10,0 милиони). Тему е особено популарен меѓу младите купувачи во Германија.

Тука се
вробујаавт и Холандија, Шведска и Данска, Чешка, Австрија, но и Шпанија и
Унгарија.

Спротивно на тоа,
од 20-те региони во Европа каде што помалку од 35 отсто од населението купувало
преку Интернет, Бугарија има најмалку, каде помалку од еден од пет луѓе
користат е-трговија.

Тему на Балканот

Уделот на
населението што го користи Тему во Србија варира од регион до регион. Иако
малку под просекот на ЕУ, најголем број онлајн потрошувачи има во Белград (56,4
проценти), додека најмал има во регионот на Јужна и Источна Србија (37,3
проценти).

Во Хрватска процентот
на луѓе кои купуваат онлајн 49,9 проценти. Сепак, другите земји значително
помалку ги користат услугите од Тему, најмалку во Црна Гора (18,6 проценти) и
Албанија (13,6 проценти).

Онлајн купувањето
го прават четвртина од луѓето во Босна и Херцеговина (25,5 проценти), додека
кај нас, во Македонија е 27,6 проценти.