КАКО Е ОВА МОЖНО? Audi годинава забележа поголема продажба ама помал профит!
Во првите девет месеци од оваа година Audi силно ја зголеми продажбата и прометот, но заработи 26 отсто помалку од истиот период лани. Дел од профитот „исчезна“ поради повисоките трошоци, а дел отиде за инвестиции, соопшти финансиската групација предводена од Јирген Ритерсберг во петокот. Ритерсбергер всушност ја потврди годишната прогноза, пренесува SEEbiz.
Подружница на Volkswagen Group, Audi продаде 16 отсто повеќе возила, 1,4 милиони, намалувајќи ја разликата зад конкурентите BMW и Mercedes.
Прометот се зголеми за 13 отсто на 50,4 милијарди евра, но оперативната добивка падна за 26 отсто или 4,6 милијарди евра. Добивката по оданочување падна од 5,8 на 4,5 милијарди евра.
Марката Audi оствари профитна маржа од само 7,3 отсто од прометот. Заедно со брендовите Bentley, Lamborghini и Ducati, Audi имаше 9,1 отсто и со тоа ја достигна долната граница од планот.
Volkswagen Group’s global BEV sales for Q3 2023 are at a new high! With brands like Audi, Porsche, and Skoda under its wing, the group reported 2.34M sales this quarter, marking a 7.4% YoY increase #VWGroupStats pic.twitter.com/Xd6MlAN4lc
— Quiet Wheels (@quietwheelscom) October 18, 2023
Ритерсбергер предвидува „силен четврти квартал“ врз основа на бројките за продажба. Годишната цел на Audi е да ја зголеми продажбата од 1,8 на 1,9 милиони автомобили, прометот од 69 на 72 милијарди евра и профитната маржа над девет проценти.
Фото: Принтскрин/Твитер
