Како да излезете од маѓепсаниот круг на тага и нерасположение, што ги носи пролетната депресија?
Пролетта носи подолги денови и потопло време, но за многу луѓе, наместо енергија и ентузијазам, овој период од годината може да донесе чувство на замор, нерасположение и безволност. Овој феномен, познат како пролетна депресија, се јавува поради присуството на различни фактори и промени.
Тешко дека можеме да зборуваме за депресија во вистинска смисла на зборот, но луѓето често го користат тој термин. Јасно е дека временските промени влијаат на нивото на активност – како организмот да не се подготвил за она што доаѓа. Иако времето е поубаво, потопло и сончево, многумина се чувствуваат уморни, исцрпени и тешко функционираат.
На телото му треба време да се прилагоди, но поради наглите промени, многумина чувствуваат потешкотии во функционирањето и концентрацијата.
Дали пролетната депресија ги погодува само оние со предиспозиции?
Овој феномен не ги погодува само луѓето склони кон депресија. Има луѓе кои се почувствителни на временските промени, метеоропати.
„Колку и да ни беше тешко да се прилагодиме на зимата, сега имаме проблем да се префрлиме на пролетен ритам. Сè цвета, добиваме убаво време, што некаде создава чувство на притисок кај луѓето“.
Кои се физичките и психолошките симптоми на пролетната депресија?
На физичко ниво, симптомите вклучуваат хроничен замор, главоболки и зголемена чувствителност на алергени.
Многу луѓе почнуваат да киваат штом ќе излезат надвор, очите им се насолзуваат или им тече носот – сето тоа може да придонесе за чувството на исцрпеност.
Менталните симптоми вклучуваат чувство на нелагодност, несигурност, па дури и анксиозност
Пролетната депресија може да влијае на аксиозноста
Луѓето се чувствуваат растргнати помеѓу желбата да бидат активни и фактот дека нивното тело сè уште не им дозволува целосна подвижност. Дополнителниот притисок создава и свесност за физичкиот изглед – многумина стануваат незадоволни од вишокот килограми наталожени во текот на зимата, што може да придонесе за лошо расположение, велат психолозите.
Како да си помогнете?
Најважно е да не се форсирате и постепено да се прилагодувате на промените.
Луѓето да не се форсираат, бидејќи не можеме веднаш од зимски сон да преминеме на интензивни активности. Важно е да го слушате вашето тело и постепено да се прилагодувате.
Важно е да се внимава и на исхраната
Важно е да пиете доволно вода и да јадете сезонска храна (медитеранска исхрана) богата со витамини, наместо да се потпирате на суплементи. Исто така, денот треба да се организира така што ќе има простор за мали моменти за уживање со семејството или пријателите.
Не треба да го започнувате денот со брзање. Утринските ритуали, како тивко пиење кафе покрај сонце, можат да помогнат да се започне денот на посмирен и попозитивен начин.
