КАФЕ ТРИ ЕВРА, ПИВО ЧЕТИРИ ЕВРА, А ПИЦА СЕДУМ ЕВРА – еве дел од цените во Грција на почетокот на сезоната

Летната сезона полека започна, а судејќи според првите впечатоци на туристите кои веќе се во Грција, цените во омилените места за туристите од Балканот како Пефкохори или Паралија велат дека цените се речиси исти како и минатата година. 

Гостите споделуваат дека лежалки во Пефкохори посетителите се уште можат да изнајмат само со купување пијалок, а просечната цена на кафе се движи од четири до шест евра. Но, во исто време има делови од плажата во Пефкохори каде се изнајмуваат само лежалки, и за кои треба да одвоите солидна сума. 

Што се однесува пак до цените на пивото, на главното шеталиште тие се движат од четири до пет евра, кафето е во просек околу три евра, а соковите помеѓу 2,5 и три евра. Гиро чини три евра, додека поголем оброк како пица чини околу седум евра по лице.

Порција суфлаки со помфрит е околу 10 евра, бургерите се 12, а стекот од 19 до 25 евра. Порција мешано месо за двајца е околу 25 евра.

Од другата страна, поточно на плажата во Паралија оваа предсезона, цените добиваат нагорна линија, за разлика од претходните години. Па така, според гостите оваа сезона сите видови кафе чинат околу пет евра, пивото чини од 4,5 до шест, додека гииро пита чини пет евра, а порција е 10 евра!

Многу од нашите граѓани веќе тргнаа на одмор или на викенд кон своите омилени дестинации во Грција. Дел од граѓаните кои ги читаат објавите на социјалните мрежи за цените во претсеозона, прашуваат колку ќе чини храната и пијалоците на плажа во јули и август.

Што се однесува до лежалките и чадорите за сонце, во Паралија се движат од 10 до 50 евра по сет, а некои угостители бараат од капачите да нарачаат и пијалок, без оглед на тоа дали платиле за изнајмување на мебелот.

Во Фејсбук групата Grkcainfo се појави фотографија од ценовник од плажата во Паралија, каде што сите видови кафе со вода чинат пет евра, шише вода од половина литар чини 50 центи, додека шише од еден и пол литар чини четири евра. За време на престојот на плажа, многу капачи земаат и сладолед кој чини пет евра, коктелите се од шест до осум, а пивото е до 4,5 до шест.

Што се однесува до храната на плажа, можете да нарачате порција од три до десет евра, а многу луѓе сакаат гиро, а порцијата чини точно десет евра.

Цени во Паралија:

кафе и вода 5

смути и вода 5

нес и вода 5

еспресо, американо 5

вода 500 мл 0,50

вода 1.500 мл 4

сите видови газирани и негазирани сокови 5

сладолед 5

коктели 8

пиво 4,5 – 6

пита со гирос 5

хамбургер со помфрит 5.5

тост 3

пилешко филе 10

сендвич со пилешко 5

пилешки парчиња 9

гиро порција 10

пица за едно лице 3

овошна салата 8

коктел 6

* Износите се во евра

Фото: Принтскрин/Фејсбук