Каевски: ВМРО-ДПМНЕ ќе бидат 100 дена власт, потоа повторно заминуваат 4 години во опозиција
Пратеникот Дарко Каевски е вториот пријавен за збор по единствената точка на дневен ред, избор на техничка Влада. Тој во својот говор рече дека овие 100 дена се идинствените во кои ВМРО-ДПМНЕ ќе биде влас, а потоа заминува повторно 4 годин во опозција.
Ставајќи го интересот на државата на прво место пратениците на СДСМ како прогресивна и проевропска партија, заедно со пратениците од мнозинството, ќе ја поддржи техничката Влада во македонското Собрание, рече пратеникот на СДСМ и портпарол, Дарко Каевски од собраниската говорница при изборот на техничката Влада.
-Нема да дозволиме ДПМНЕ да фрли дамка на изборниот процес а со тоа и на двојната победа на проевропскиот фронт на претседателските и на парламентарните избори. Заедно со мнозинството пратеници, заедно со граѓаните нема да дозволиме деструктивните сценарија на ДПМНЕ да успеат. Во изминатите години СДСМ покажа дека е демократска партија која знае да го штити гласот на граѓаните и нивното неприкосновено право за слободно изразување на нивната волја. Така и ќе продолжиме, рече Каевски.
Во ДПМНЕ се нервозни заради изборниот пораз што ги чека, додаде тој.
-Токму затоа од самиот почеток, законската обврска за техничка влада која единствена цел има да организира фер и демократски избори бараше начин да ја проблематизира, да ја опструира, целосно непотребно и без било каква основа, рече Каевски.
