Каевски: Претседател на државата треба да се бира на избори од сите граѓани
Портпаролот на СДСМ, Дарко Каевски денеска по новинарско прашање, истакна дека СДСМ јавно и јасно го кажало во многу наврати нивниот став дека кандидатот за претседател треба да се бира на непосредни избори.
Според него, ова барање не е ништо ново, се слушало и во изборите во 2019 и 2020 година.
„Сметаме дека нема потреба да се назадуваме во демократијата. Важно е дека кандидатот на СДСМ ќе биде поддржан од сите етнички заедници и ќе биде поддржан од најголемиот дел на нашите граѓани и ќе биде победник на претседателските избори. Оттука не очекуваме дека ќе бидат бојкотирани претседателските избори од било која политичка партија и очекувам голема поддршка за канидатот на СДСМ“, порача Каевски.
