Каде и кога е родено најтешкото бебе досега
На 5 август во Србија, поточно во Горњи Милановац се роди момче тешко повеќе од шест килограми, поточно 6.420 грама.
Сепак, тој не е најтешкото бебе родено во Србија, бидејќи во 1988 година во ГАК „Народни фронт“ се роди бебе тешко дури 7,5 килограми, објави Блиц.
Сепак, првиот светски рекорд е забележан уште во 19 век.
Имено, Ана Бејтс, која била висока 241,3 см, на 19 јануари 1879 година родила момче тешко 9,98 килограми и високо 71 сантиметар. Таа се породила во својот дом во градот Севиља во американската држава Охајо.
Според сајтот на Гинисовата книга на рекорди, ова бебе за жал починало 11 часа по раѓањето.
Кога и пукнала водата на Ана, таа изгубила околу шест литри (повеќе од 20 литри) течност.
„Беше висок 71 сантиметар, тежок 9,98 килограми и беше совршен во секоја смисла. При раѓањето изгледаше како нормално шестмесечно дете“, рекол таткото на детето, Мартин ван Бурен Бејтс.
И родители кои соборуваат рекорди
Мајката Ана на 17 години била висока 241,3 см. Таа го запознала Мартин, кој е висок 236,2 сантиметри, бидејќи работеле во ист бизнис. Имено, и двајцата стекнале слава поради висината и патувале со циркуски трупи, одвоено и како пар.
По двегодишна врска, Ана и Мартин се венчаа во Лондон на 17 јуни 1871 година, пред голем број гледачи.
„Човек може да се навикне да биде 2,43 метри. Но, да се биде толку висок и да се трпи погледите на побожната заедница на безделници за време на сопствената свадба е тешка комбинација. Сепак, капетанот Бејтс добро ги поднесе сите тешкотии“, напиша тогаш Дејли Телеграф.
Тие двајца беа вкупно високи 477,52 сантиметри и набрзо го добија епитетот „Највисокиот жив пар“.
До денес, Бејтс го држи Гинисовиот рекорд за највисока брачна двојка на сите времиња.
Пред раѓањето на момчето рекордер, тие имале и девојче во 1872 година, кое за жал починало при породување.
Бебе во Италија тежи повеќе од десет килограми
Најтешкото бебе родено од здрава мајка е момче тешко 10,2 килограми, родено во Италија во септември 1955 година.
Има уште неколку слични случаи.
Во 2005 година, Франциска Рамос дос Сантос со царски рез во Бразил го родила својот син Адемилтон, тежок 7,57 килограми.
Кристина Самане од Јужна Африка исто така роди дете тешко 10,2 килограми, но тоа подоцна беше дисквалификувано како рекорд, бидејќи детето боледуваше од Вивер синдром, поради кој децата претерано растат поради абнормалности во гените на родителите.
На 3 јуни 1961 година беше објавено дека Садат Кор во Турција родил момче тешко 11 килограми. Меѓутоа, во јануари 1978 година, се покажа дека веста, иако беше објавена од голема новинска агенција, не може да се потврди.
