Кацарска: Компаниите да не го чекаат Уставен и да си го платат солидарниот данок
Претседателката на УСтавен суд, Добрила Кацарска, им порача на фирмите што сеуште го немаат платено солидарниот данок, да ја извршаат оваа фискална давачка.
Таа денес им порача на компаниите кои ја немаат изврпшено својата обврска за еднократниот кризен данок, да го уплатат во Управата за јавни приходи и да не калкулираат со чекаат од Уставен суд одлука во последен момент за тоа дали Законот за солидарен данок е противуставен.
Во моментов има повеќе иницијативи до Уставен суд поднесени од страна на бизнис заедницата, од каде што сметаат дека законското решение треба да се укине.
– Не очекувам да биде до крајот на годината, тимот можеби ќе успее да го изработи рефератот, но тоа јас уште го немам видено, рече Кацарска денеска како одговор на новинарско прашање.
Последниот податок на УЈП е дека до денес 18 компании сеуште не го платиле. Опомени се доставени и ќе следи блокада на сметките за неколку дена.
Доколку Уставен донесе одлука во корист на бизнисот, државата ќе има обврска да ги врати парите од данокот.
