ИЗВРШИЛ ЗЛОСТОРСТВА ВРЗ СРБИТЕ: За Дачиќ бегството на Рамадани е скандалозно
Србија бара објаснување од Северна Македонија за бегството на Бљерим Рамадани кој беше уапсен на граница, а потоа пуштен во куќен притвор во Скопје и оттука побегнал.
Министерот за внатрешни работи на Србија, Ивица Дачиќ изјави дека Белград бара објаснување од државните органи на Северна Македонија за бегството на Рамадани, кој беше уапсен земјата по потерница на Интерпол издадена по барање на Србија. Дачиќ го опиша бегството на Рамадани од домашен притвор во земјава како „скандалозно“.
„Станува збор за припадник на терористичката ОВК кој извршил злосторства врз Србите на Косово и Метохија и кого Србија го бара за да го изведе пред суд“, вели Дачиќ на 15 февруари, пренесе српското Министерство за внатрешни работи.
Рамадани избега од домашен притвор од куќа на роднина во Северна Македонија, откако минатиот месец беше уапсен на косовско-македонската граница по потерница на Интерпол издадена по барање на Србија.
Рамадани, врз основа на меѓународна потерница од Интерпол Србија, беше уапсен на 17 јули 2024 година на граничниот премин Јажинце и однесен во затворот Шутка на 30-дневен екстрадиционен притвор.
Содржината на налогот за апсење се заснова на сомневањата на Србија дека Рамадани, како поранешен припадник на ОВК, извршил воени злосторства во регионот на Неродима.
Како што пренесуваат косовските медиуми, Рамадани е третиот државјанин на Косово како поранешен припадник на ОВК, уапсен во Северна Македонија врз основа на српска потерница. Претходно беа уапсени Гафур Дуголи и Томор Морина, но со судска одлука беа ослободени.
Арбен Таравари од Коалицијата ВЛЕН истакна дека уште од првиот ден требало да биде ослободен поранешниот војник на ОВК Блерим Рамадани, но тоа го спречил обвинител од Кичево.
СДСМ го обвини министерот за внатрешни работи, Панче Тошковски дека е виновен за бегството.
