Израел за три месеци изгуби 25 милијарди долари! Колку ќе го чини војната во Газа?
И покрај тоа што се соочува со судски процес за геноцид во Газа пред судот во Хаг, израелската десна влада не попушта и продолжува да ја урива Газа и да ја убива нејзината цивилна популација. Израелската економија бомбите на израелската армија ја чинат над 25 милијарди долари само во последните три месеци од 2023 година
Израел со војната во Газа за последните три месеци во 2023 година изгуби најмалку 25 милијарди долари од својот бруто домашен производ (БДП), покажуваат прелиминарните податоци на израелското државно биро за статистика, пренесува лондонската редакција на Си Ен Ен (CNN).
Војната што Израел ја води во појасот Газа која во светската јавност се почесто се нарукува геноцид врз Палестинците, го намали израелскиот БДП за 19 отсто во последниот квартал во споредба со перформансите на нивната економија во периодот јули-септември, пренесува Си Ен Ен.
Во пари тоа значи дека израелската економија изгубила барем 25 милијарди долари приходи од производство на стоки (за домашен пазар и извоз) заради нивната воена агресија врз Газа која беше рпредизвикана од терористичкиот напад на „Хамас“ на 7 октомври лани.
Падот на БДП во последниот квартал го оскати и годишниот раст на израелскиот БПД за цела 2023 година. Така на крај, според официјалните прелиминарни податоци, нивниот БДП пораснал за 2 отсто. Истата економија во 2022 година имала раст на БДП од 6,5 отсто. Претворено во пари ова значи дека израелската економија која во 2022 година продуцирала новосоздадена вредност од 522 милијарди долари (номинално), сега произвела само 2 отсто повеќе.
Израелските компании ги скратиле вложувањата за 68% !!!
Официјалните податоци што ги пренесува глобалната ТВ мрежа покажуваат дека израелскиот бизнис кренал рачна и инвестициите (фиксни) се намалени за 68 отсто во последниот квартал лани.
Голем пад има и кај личната потрошувачка на жителите на Израел. Таа е намалена за 27 отсто на годишно ниво како последица на војната во Газа.
Дополнително на ова Израел се соочува и значаен недостиг на работна рака која до нападот и воената офанзива ја сочинуваа Палестинците со работни дозволи во Израел.
Значаен пад од 18 отсто за цела 2023 година бележи и израелскиот извоз. Падот е силен и индикативен особено затоа што се знае дека Израел не доби никакви економски санкции од целиот цивилизиран западен свет во кој всушност Израел и најмногу извезува. Санциите изостанаа и покрај тоа што Израел во овие пет месеци уби повеќе од 14.000 деца и жени во појасот Газа додека со ракетни напади уриваше семејни куќи, станбени згради, училишта и болници во трите градови во појазот Газа: Кан Јунис, Газа и Рафах.
Извор на податоци: https://edition.cnn.com/2024/02/19/economy/israel-gdp-war-economy/index.html
Р.Ф.
