Израел ја врати контролата на границата со Појасот Газа
Израел ја врати контролата врз граничната ограда со Појасот Газа, изјави денеска за радиото на израелската армија, портпаролот на вооружените сили, контраадмирал Даниел Хагари.
На крајот на минатата недела оградата беше пробиена од борци на палестинската група „Хамас“, кои започнаа масовна инвазија на израелска територија.
Според него, од вчера нема ниту еден случај на инфилтрација преку граница. Војската поставува мини каде што е урната оградата.
Хагари, исто така, рече дека нема информации дека Палестинците користеле подземни тунели за да влезат на израелска територија, пренесе Ројтерс.
