Измамници го користат името на Комерцијална банка за фишинг напад
Онлајн измамите продолжуваат да се зголемуваат. Сè повеќе се јавуваат случаи на обиди за измама преку лажни линкови кои се праќаат преку пораки и меилови, а кои водат до лажни страници кои се користат за крадење на лични податоци или финанасиски средства.
До редакцијата на 4news пристигна меил, кој бил испратен од измамниците, а се претставува како порака од Комерцијална банка.
Надлежните институции апелираат до граѓаните да бидат претпазливи и да не наседнуваат на измами кои се вршат преку електронска пошта и пораки.
Во случај на сомнителни меилови или пораки, потребно е да се контактира со соодветните институции за да се пријави измамата.
За да се заштитите, експертите препорачуваат редовно ажурирање на безбедносните програми на вашите уреди, внимателно прочитување на пораки и линкови, и секогаш да се користат официјални канали за контакт со компаниите и банкарските институции.
